Bu gün ÇL-da "Real" "Bavariya"ya qarşı - Hər iki komandada zədəlilər var...

Bu gün Çempionlar Liqasında ilk finalçı müəyyənləşəcək.

Minval.info-nun məlumatına görə, yarımfinal mərhələsinin cavab qarşılaşmasında “Real” “Bavariya”nı qəbul edəcək.

Ötən həftə “Kral” klubu Almaniyada meydan sahibləri üzərində 2:1 hesabı ilə qalib gəlib. İspaniya klubu növbəti dəfə finala vəsiqə qazana bilər. Lakin ispanlar öz meydanında daha zəif oyun nümayiş etdirirlər. Bundan öncə İtaliyanın “Yuventus” komandası ilə qarşılaşan “Real” səfərdə böyük hesabla qalib gəlsə də, öz Madriddə öz qapısından 3 top buraxdı.

Heyətlərə gəldikdə isə, “Kral” klubunda həm Dani Karvahal, həm də Naço zədəlidir, yarımmüdafiəçi İskonun da oyuna çıxmağı sual altındadır.

Almanlarda isə müdafiəçi Jerom Boatenq, Arturo Vidal görüşdə forma geyinə bilməyəcək. Zədə səbəbindən meydana çıxmayacaq oyunçuların sırasında Aryen Robbenin də adı çəkilir. Lakin bu hələ dəqiq deyil.

22:45. “Real” (İspaniya) – “Bavariya” (Almaniya)

Baş hakim: Cüneyt Çakır (Türkiyə)

Madrid, “Santyaqo Bernabeu” stadionu

İlk oyun – 2:1

Minval.info