Bu gün Çempionlar Liqasının oyunları var!

Bu gün Çempionlar Liqasının 1/4 finalının cavab qarşılaşmaları keçiriləcək.

Minval.info xəbər verir ki, İtaliyanın “Roma” klubu doğma azarkeşlər önündə “Barselona”nı qəbul edəcək. Səfərdə 1:4 hesabı ilə məğlub olan “canavarlar”ın növbəti mərhələyə çıxması çətin görünür. Katalonlar isə demək olar ki, elə ilk oyundan yarımfinala vəsiqəni təmin edib.

Günün digər matçı ingilis klubları arasında keçiriləcək. “Mançester Siti” “Liverpul”la qarşı-qarşıya gələcək. İlk görüşdə qapısında 3 cavabsız top görən “şəhərlilər”in növbəti mərhələyə keçmək şansı bir az müşkül məsələyə çevrilib. Qarşısındakı komanda heç də zəif deyil.

10 aprel

22:45. “Roma” – “Barselona”

İlk oyun – 1:4

22:45. “Mançester Siti” – “Liverpul”

İlk oyun – 0:3