"Beşiktaş"ın futbolçusu sərxoş halda - FOTOLAR, VİDEO

Tarixi oyun öncəsi içkili yaxalandı

Çempionlar Liqası 1/16 mərhələsi çərçivəsində ötən gecə baş tutan “Beşiktaş” – “Bayern Münhen” matçı öncəsi “Beşiktaş”ın futbolçusu Jermen Lens İstanbul gecələrində sərxoş görüntülənib.

Minval.info türk mətbuatına istinadən xəbər verir ki, ulduz futbolçu tarixi oyun öncəsi 3 gecə klubunda əyləndikdən sonra, fotoaparatları görəndə qaçmağa çalışıb.

Üzünü gödəkcəsi ilə örtən futbolçunun dostları da onun tatularını gizlətməyə cəhd ediblər. Lensin dostları fotoqraflardan çəkməməyi xahiş edib: “Onsuz da komanda yaxşı vəziyyətdə deyil. Çəkməyin, icazə verin evə gedək”.

Futbolçunun matçdan əvvəlki gecə içki içib, əylənməsi etiraza səbəb olub.

Qeyd edək ki, “Beşiktaş” “Bayern Münhen”ə 0-5 hesabı ilə mğlub olub.

Dəniz Kərimzadə

Minval.info