Bakıda baş verən ağır yol qəzasında ölənlərin adları məlum oldu

Bakının Nəsimi rayonu ərazisində baş verən yol qəzası nəticəsində ölən və yaralananların adları məlum olub.

Minval.info Trend-ə istinadən xəbər verir ki, hadisə Nəsimi rayonu, R. Behdudov küçəsi 22-də baş verib.

1971-ci il təvəllüdlü Əmiraslanov Ramiz Nəcəf oğlu idarə etdiyi “MG” markalı 90-NV-350 dövlət qeydiyyat nişanlı avtomobillə yolu keçən piyadalar – 1954-cü il təvəllüdlü Quliyeva Xanım Adil qızı, 1962-ci il təvəllüdlü Niyazov Valəddin Əlmirzə oğlu, onun oğlu, 1996-cı il təvəllüdlü Niyazov Seymur Valəddin oğlu və 1957-ci il təvəllüdlü Rüstəmova Fatma Cümşüd qızını vuraraq 5 saylı xətt üzrə hərəkət edən sərnişin avtobusuna çırpılıb.

ƏLAQƏLİ

Bunu da oxu

Yol polisi dəmir yolu keçidlərində təhlükəsizlik üçün xəbərdarlıq etdi

13.10.2026 - 10:24

Hadisə nəticəsində avtomobilin sürücüsü R.Əmiraslanov və piyadalardan F.Rüstəmova hadisə yerində dünyasını dəyişib, 3 piyada isə xəstəxanaya yerləşdirilib.

İlkin araşdırma zamanı məlum olub ki, hadisəni törədən sürücü R.Əmiraslanov sükan arxasında ürək tutmasından dünyasını dəyişib.

Faktla bağlı araşdırmalar aparılır.

ƏLAQƏLİ

Bunu da oxu

Məktəbdə səsləndirilən şüarlar - kimlərə xidmət edirlər?

12.10.2026 - 14:54