Bakıda bələdiyyənin qarajı uçub, bir nəfər ağır xəsarət alıb - VİDEO

Bakıda bələdiyəyə məxsus qarjın hasarı uçub, nəticədəbir nəfər ağır xəsarətlər alıb.

Minval.İnfo xezerxeber.az-a istinadən bildirir ki, hadisə bir neçə gün əvvəl paytaxtın Binəqədi rayonu, Teymur Yaqubov küçəsi döngə 1 ünvanında baş verib. Güclü külək nəticəsində Binəqədi rayon bələdiyyəsinə məxsus qarajın hasarı uçaraq yaxınlıqdan keçən 26 yaşlı Əhməd Əliyevin üzərinə aşıb.
Daşların arasında sıxışıb qalan Əhməd Əliyevi yaxınlıqdakı evlərin sakinləri xilas ediblər.

Yaralı təcili tibbi yardım avtomobili ilə 1 saylı şəhər xəstəxanasına aparılıb. Burada isə onun onurğası və qolunun sındığı, ayaqlarından isə ciddi xəsarət aldığı məlum olub.

Hadisənin şahidi Əhməd Əhmədzadə deyir ki, həmin qarajın hasarının qəzalı vəziyyətdə olması ilə bağlı Binəqədi bələddiyyəsinə dəfələrlə müraciət etmələrinə baxmayaraq, problem aradan qaldırılmayıb.

Nəticədə də belə bir hadisə yaşanıb.
Hadisədən bir neçə gün keçəndən sonra bələdiyyənin nümayəndələri əraziyə gələrək uçan asarı bərpa ediblər.

Həkimlər Əhməd Əliyevin onurğasında sınıqlar olduğu üçün hələ bir neçə ay yataq rejimində qalacağını bildiriblər.

Faktla bağlı xəstənin yaxınları Binəqədi rayon polis idarəsinə və prokurorluğuna müraciət ediblər. Hadisə ilə bağlı araşdırma aparılır.