Bakı Qran-prisi üçün yeni tribuna istifadəyə verildi

Bakı şəhərində keçiriləcək “Formula 1” üzrə Azərbaycan Qran-prisi üçün hazırlıqlar çərçivəsində yeni tribuna quraşdırılıb. Bu addım, yerli və xarici azarkeşlərin biletlərə artan tələbatını qarşılamaq məqsədilə atılıb.

Minval.info xəbər verir ki, “City” adlanan yeni tribuna Azərbaycan Dövlət Akademik Musiqili Teatrının qarşısında yerləşir və 678 tamaşaçı tutumuna malikdir. Bu tribunanın unikal yerləşməsi azarkeşlərə bolidləri trasın paralel iki sürətli hissəsində izləmək imkanı təqdim edir.

Yeni tribunanın istifadəyə verilməsi ilə Bakı Şəhər Halqasında tribunaların ümumi tamaşaçı tutumu 21 mini keçib. Son üç il ərzində dörd yeni tribuna quraşdırılıb və tribunaların ümumi tutumu 6 mindən çox yer artırılıb. 2025-ci ildə keçirilmiş Azərbaycan Qran-prisi zamanı yarış həftəsonu ərzində 90 mindən çox iştirakçı qeydə alınıb. Bu il isə yarış sentyabrın 24-26-da baş tutacaq.