Babək prospektində avtomobil salonu yanğından necə qorundu? – FHN-nin çevik əməliyyatı

Bakı şəhərinin Xətai rayonu, Babək prospektində yerləşən avtomobil salonunda yanğın hadisəsi baş verib.

Minval.info xəbər verir ki, Fövqəladə Hallar Nazirliyinin “112” qaynar xəttinə daxil olan məlumata əsasən, yanğın hadisəsi barədə dərhal əraziyə Dövlət Yanğından Mühafizə Xidmətinin əməkdaşları göndərilib.

Əməliyyat şəraiti qiymətləndirilərkən, yanğının 1200 kvadratmetr sahəsi olan üçmərtəbəli avtomobil salonunda başladığı və yayılma ehtimalının yüksək olduğu aşkar edilib.

ƏLAQƏLİ

Bunu da oxu

Yol polisi dəmir yolu keçidlərində təhlükəsizlik üçün xəbərdarlıq etdi

13.10.2026 - 10:24

Yanğınsöndürənlərin operativ müdaxiləsi nəticəsində yanğın qısa müddətdə nəzarət altına alınıb və salonun ofis otağında başlayan yanğın avtomobillərə keçmədən söndürülüb.

Yanğın nəticəsində 15 kvadratmetr sahəsi olan otağın yanar konstruksiyaları zərər görüb, salonda yerləşən “BMW” markalı avtomobilin arxa bamperi və işığı deformasiya olub. Lakin obyektin böyük hissəsi və içərisindəki avtomobillər yanğından qorunub.