Azərbaycan millisi dünya çempionatında medal sayını artırmağa çalışacaq

Mündəricat

Azərbaycan yığmasının heyəti

Baku.ws-ın məlumatına görə, Bakıda keçirilən cüdo üzrə böyüklər arasında dünya çempionatı bu gün qarışıq komanda yarışları ilə yekunlaşacaq. Azərbaycan millisi bu son gündə Avstriya yığması ilə qarşılaşacaq.

Milli Gimnastika Arenasında baş tutan yarışın səkkizinci günündə 18 ölkədən 192 idmançı mübarizə aparacaq. Qarışıq komanda yarışlarında görüşlər altı çəki dərəcəsi üzrə keçiriləcək: kişilər -73 kq, -90 kq və +90 kq, qadınlar isə -57 kq, -70 kq və +70 kq çəki dərəcələrində tatamiyə çıxacaqlar.

Azərbaycan komandası mübarizəyə 1/16 final mərhələsindən başlayacaq və ilk rəqibi Avstriya komandası olacaq. Bu mərhələni keçdikdən sonra yığmamız növbəti qarşılaşmada Yaponiya komandası ilə üz-üzə gələcək.

Əfsanə gileyləndi: Akademiyalar onları düşüncə azadlığından məhrum edir

ƏLAQƏLİ

Bunu da oxu

Əfsanə gileyləndi: Akademiyalar onları düşüncə azadlığından məhrum edir

10.10.2026 - 17:48

Azərbaycan yığmasının heyəti

Qadınlardan Gültac Məmmədəliyeva və Xədicə Qədəşova (-57 kq), Südabə Ağayeva və Hanna Zaytseva (-70 kq), Madina Kaisinova (+70 kq) komandamızın heyətində yer alıblar. Kişilər arasında isə Rəşid Məmmədəliyev və Ruslan Paşayev (-73 kq), Zelim Tçkayev və Süleyman Şükürov (-90 kq), Zelim Kotsoyev və Uşanqi Kokauri (+90 kq) ölkəmizi təmsil edəcəklər.

Təsnifat mərhələsinin görüşləri saat 09:30-da, final bloku isə saat 18:00-da başlayacaq. Yarışları “CBC Sport” və “Judo TV” kanallarından canlı izləmək mümkündür. Dünya çempionatının biletləri “iTicket.az” platformasında satışdadır.

Xatırladaq ki, Azərbaycan millisi fərdi yarışlarda dünya çempionatları tarixində rekord nəticə göstərərək 7 medal qazanıb. Əhməd Yusifov (-60 kq) qızıl medal, Zelim Tçkayev (-81 kq) və Uşanqi Kokauri (+100 kq) gümüş medal, Rəşid Məmmədəliyev (-73 kq), Ömər Rəcəbli (-81 kq), Murad Fətiyev (-90 kq) və Kənan Nəsibov (+100 kq) isə bürünc medallar əldə ediblər.