Azərbaycanda 16 yaşlı qız ərə verilib.Bu barədə sosial şəbəkədə məlumat yayıb. Bildirilib ki, qız oğlanla zorla evləndirilib və martın 17-də Sumqayıtda oğlan toyu olacaq.
Daxili İşlər Nazirliyinin mətbuat xidmətinin əməkdaşı Nurlan Əliyevin AZXEBER.COM-a verdiyi açıqlamaya görə hadisə araşdırılır:
“Sosial şəbəkədə 16 yaşlı qızın ailə qurması ilə bağlı yayılan xəbərlər araşdırılır”.
Məsələ ilə bağlı Ailə Qadın və Uşaq Problemləri üzrə Dövlət Komitəsinin mətbuat katibi Teymur Mərdanoğlu AZXEBER.COM-a açıqlamasında həmin şəxslərin axtarıldığını bildirib:
“Mən də bu xəbəri sosial şəbəkələrdə gördüm. İndi biz bu şəxsləri axtarırıq. Bu xəbəri yazan adam gərək onların ünvanını da yazardı ki, biz onları rahat şəkildə tapa bilək. Araşdırma aparılır”.
