Futbolçu: Azərbaycandan təklif gəldi, Ermənistanı seçdim (FOTO) – AFFA-dan AÇIQLAMA

Mətbuatda yayılan iddialara görə, AFFA-nın futbol üzrə Azərbaycanın U-21 millisində forma geymək üçün müraciət etdiyi oyunçu Ermənistanı seçib.

Minval.info xəbər verir ki, söhbət dağıstanlı qolkiper Samur Ağaməhəmmədovdan gedir. Bu barədə “Artsax” klubunun sosial şəbəkədəki rəsmi səhifəsi məlumat yayıb.

Səhifənin paylaşımına görə, qapıçı S.Ağaməhəmmədov kluba keçidi haqda danışarkən bildirib ki, 21 yaşadək millimizdə oynamaq üçün AFFA-dan təklif alıb. Lakin qapıçı bundan imtina edib və yeni yaradılan Ermənistan klubunu seçib.

Məsələ ilə bağlı olaraq Minval.info saytı AFFA ilə əlaqə saxlayıb. Qurumdan bildirilib ki, ümumiyyətlə, belə adda futbolçu tanımırlar və heç bir müraciət olunmayıb.

Samir Mirzə

Minval.info