Astarada faciəvi hadisə: 60 yaşlı kişi əncir ağacından yıxılaraq həyatını itirdi

Astara rayonunda 60 yaşlı bir kişinin faciəvi ölümünün detalları ortaya çıxıb. Hadisə Siyaku kəndində baş verib.

Minval.info xəbər verir ki, 1966-cı il doğumlu Fazil Söhbət oğlu Fətəliyev Bakıda yaşadığı evdən anasının yaşadığı Siyaku kəndinə qonaq gəlib. Həyətdə əncir yığmaq istəyən Fətəliyev, əvvəlcə bir vedrə əncir topladıqdan sonra yenidən ağaca çıxıb. Bu zaman ağacın budağı qəfil qırılıb və o, yıxılıb.

Ağır kəllə-beyin travması alan Fətəliyev, təcili tibbi yardım maşını ilə xəstəxanaya aparılarkən yolda həyatını itirib. Hadisə ilə bağlı araşdırmalar Astara Rayon Prokurorluğu tərəfindən aparılır.

ƏLAQƏLİ

Bunu da oxu

Xocəsəndə su xəttindəki qəza sürətlə aradan qaldırıldı: Sakinlərə su təchizatı bərpa olundu

17.08.2026 - 17:43