Alkoqolun xərçənglə əlaqəsi: Yeni araşdırma şok etdi

ABŞ-də aparılan yeni elmi araşdırma, alkoqol istifadəsi ilə xərçəngdən ölüm halları arasında ciddi əlaqə olduğunu ortaya çıxarıb. Araşdırma Silvestr Kompleks Xərçəng Mərkəzinin alimləri tərəfindən həyata keçirilib və nəticələri “The Lancet Regional Health – Americas” jurnalında dərc olunub.

Minval.info xəbər verir ki, alimlər 1990-2023-cü illər ərzində ABŞ-də alkoqolla əlaqəli onkoloji xəstəliklərdən ölüm statistikasını təhlil ediblər. Bu müddət ərzində alkoqol səbəbindən qeydə alınan illik ölüm sayı 11 361-dən 23 126-ya yüksəlib ki, bu da ölüm hallarının təxminən iki dəfə artması deməkdir.

Araşdırmanın ən diqqətçəkən nəticələrindən biri gənc yaş qrupları ilə bağlı olub. 20-54 yaş aralığında olan kişilər arasında alkoqolla əlaqəli xərçəngdən ölümün əsas səbəbi bağırsaq xərçəngi olduğu halda, qadınlarda ilk sırada süd vəzi xərçəngi qərarlaşıb. Mütəxəssislər bildirirlər ki, alkoqolun qaraciyər xərçəngi ilə əlaqəsi geniş şəkildə bilinsə də, onun bağırsaq, süd vəzi, qida borusu və mədəaltı vəzi xərçənglərinin yaranmasındakı rolu barədə ictimai məlumatlılıq hələ də aşağıdır.

ƏLAQƏLİ

Bunu da oxu

İspaniyada güclü yağışlar ölümlə nəticələndi, dərslər təxirə salındı

19.10.2026 - 15:44

Tədqiqatın aparıcı müəllifi, hematologiya və onkologiya üzrə mütəxəssis Çinmay Jani, alkoqolun müxtəlif xərçəng növlərinə təsirinin genişliyinin araşdırmanın ən təəccübləndirici nəticələrindən biri olduğunu vurğulayıb.