9 mayı “Qələbə günü” kimi qeyd edirsinizmi? - VİDEOSORĞU

9 may Azərbaycanda Qələbə günü kimi qeyd olunur.

Bu gün Böyük Vətən müharibəsində faşizm üzərində qələbənin 74-cü ildönümüdür. II Dünya Müharibəsi adlanan 5 illik savaş mayın 9-da Sovet İttifaqının qələbəsi ilə başa çatmışdı. Qələbə günü bu gün də postsovet ölkələri və İkinci Dünya müharibəsində iştirak etmiş digər dövlətlərdə qeyd olunur. Məlum olduğu kimi, Sovet İttifaqının müharibədə qələbə çalmasında Azərbaycandan gedən yüzminlərlə əsgər və hərbçilərin, o cümlədən Bakı neftinin böyük payı olub.

Lakin zaman keçdikdə cəmiyyətdə belə fikirlər də yarandı ki, II Dünya Müharibəsində Almaniya qalib gəlsəydi, o ölkənin tərkibində Azərbaycan daha çox inkişaf etmiş olardı. Həmçinin, XI Qızıl Ordunun 1990-cı ildə 20 yanvar hadisələri zamanı Azərbaycana xəyanəti də bu ordunun adı ilə bağlı olduğunu deyənlər də bu gün Qələbə günü kimi qəbul etmirlər. Digər tərəfdən, Dağlıq Qarabağın işğal altında olması səbəbindən Azərbaycanda Qələbə gününün qeyd olunmasını doğru hesab etməyən kəsim də var. 8 mayda Şuşanın işğalından doğan ictimai kədər də 9 may Qələbə gününə kölgə salır.

ƏLAQƏLİ

Bunu da oxu

“Türkün yardımını qəbul etmir, torpağından da çıxsınlar” – Sakinlərdən separatçılara SƏRT REAKSİYA

31.08.2023 - 00:34

Bu səbəbdən musavat.com olaraq, ictimai rəyi öyrənmək üçün sadə vətəndaşlar arasında sorğu keçirdik. “9 mayı Qələbə günü kimi qeyd edirsinizmi?” sualı ilə müraciət etdiyimiz respondentlərin cavabları müxtəlif oldu.

Daha ətraflı təqdim etdiyimiz videosorğudan izləyə bilərsiniz.

https://www.youtube.com/watch?v=suNEkF1L7jE

ƏLAQƏLİ

Bunu da oxu

Oxumadan böyük pullar qazanmaq... Təhsil, yoxsa şans? Bakı sakinlərindən İLGİNC cavablar

01.03.2023 - 11:54