Zaxarova Paşinyana – “Sizi müdafiə etməyə gəlirdik, Qarabağı...

Rusiya Xarici İşlər Nazirliyinin rəsmi nümayəndəsi Mariya Zaxarova, Ermənistanın baş naziri Nikol Paşinyanın Kollektiv Təhlükəsizlik Müqaviləsi Təşkilatı (KTMT) ilə bağlı son açıqlamalarına sərt reaksiya göstərib.

Minval.info xəbər verir ki, Paşinyan daha əvvəl keçirilən brifinqdə 2022-ci ilin sentyabrında Azərbaycan-Ermənistan sərhədində baş verən toqquşmaları xatırladaraq, Rusiya və KTMT-nin Ermənistan qarşısında müqavilə öhdəliklərini yerinə yetirmədiyini bildirmişdi.

Zaxarova isə Paşinyana 2022-ci ildə baş verən hadisələri xatırladıb. Onun sözlərinə görə, həmin il KTMT-nin baş katibi İrəvana səfər edərək Paşinyanla şəxsən görüşüb. Rusiya XİN rəsmisi vurğulayıb ki, baş katib İrəvana “Cənubi Qafqazın gözəlliklərinə baxmağa” deyil, üzv dövlətlərin ərazilərinin müdafiəsi ilə məşğul olan təşkilatın konkret missiyası ilə gəlmişdi.

ƏLAQƏLİ

Bunu da oxu

Putin Britaniyanı hədələdi: "Ukraynadakı bütün hərbi obyektlər qanuni hədəfimizdir"

02.09.2026 - 12:55

Zaxarova əlavə edib ki, Paşinyan Ermənistanın təhlükəsizliyini təmin etmək üçün nə hüquqi, nə də siyasi baxımdan lazımi addımları atıb. O, həmçinin xatırladıb ki, Paşinyan 2022-ci ilin noyabrında KTMT missiyasının Ermənistanda yerləşdirilməsi ilə bağlı qərarın razılaşdırılmasını nəzərdə tutan sənədi imzalamaqdan imtina edib. Bundan bir ay əvvəl – 2022-ci ilin oktyabrında isə Praqada Avropa İttifaqının vasitəçiliyi ilə qəbul edilən bəyanatda İrəvan Azərbaycanın ərazi bütövlüyünü, Qarabağ da daxil olmaqla, tanıyıb.

Zaxarova Paşinyanı məsuliyyəti başqalarının üzərinə atmaqda ittiham edərək, “Sizə narahat suallar veriləndə özünüzü günahdan kənara çəkməyi, məsuliyyəti üzərinizdən atmağı və onu əlinizin çatdığı, şəxsən xoşunuza gəlməyən hər kəsin üzərinə yıxmağı dayandırın” deyə bildirib.