Xarici ölkələrə səyahət edənlərin sayı açıqlandı

Heydər Əliyev Beynəlxalq Aeroportu ötən ildə 4,06 milyon sərnişinə xidmət göstərib.

Bu ötən ilki göstərici ilə müqayisədə 23% çoxdur.

“Azərbaycan Hava Yolları”ndan (AZAL) Minval.İnfo-a verilən məlumata görə, ümumilikdə 55 aviaşirkət müntəzəm və çarter reysləri yerinə yetirib. Beynəlxalq Aeroport 8 yeni aviadaşıyıcını – “Air Arabia”, “Wataniya Airways”, “ISR Air”, “Jazeera Airways”, “IrAero”, “Mahan Air”, “İkar” aviaşirkətini (“Pegasfly” brendi) və Azərbaycanın ilk loukosteri “Buta Airways”i qarşılayıb.
Hesabat dövründə AZAL milli aviadaşıyıcısının payına 2,2 milyon sərnişin, “Buta Airways” loukosterinin payına isə 92 min sərnişin düşüb. Eyni zamanda, 114 min tranzit, 50 min sərnişin isə çarter reysləri üzrə qeydə alınıb.

ƏLAQƏLİ

Bunu da oxu

Rusiya Xəzəri təhlükəli bölgəyə çevirir

11.10.2022 - 13:37

Sərnişinlərin 85%-i beynəlxalq reyslərin payına düşüb. Aeroportun beynəlxalq daşımalarının 46%-i AZAL-ın və “Buta Airways”in, 54%_i isə xarici aviadaşıyıcıların payına düşüb.

Ən məşhur beynəlxalq istiqamətlərin onluğuna – Moskva, İstanbul, Dubay, Kiyev, Tehran, Antalya, Tbilisi, Bağdad, Doha və Sankt-Peterburq daxil olaraq 2,52 mln. sərnişin bu istiqamətlərə uçub.

Minval.İnfo