Vahid Ələkbərov Rusiyada dividend gəlirində birinci oldu

Azərbaycan əsilli milyarder və LUKOIL-un qurucusu Vahid Ələkbərov Rusiyada ən böyük dividend gəliri əldə edən iş adamları arasında liderlik edir. Onun bu uğuru, Forbes-in 2026-cı il üçün açıqladığı reytinqdə təsdiqlənib.

Minval.info xəbər verir ki, Ələkbərovun dividend gəliri 106,2 milyard rubl məbləğində qiymətləndirilib. Reytinqdə ümumilikdə 75 nəfər yer alıb və bu sıralamada ikinci yeri NOVATEK rəhbəri Leonid Mixelson və ailəsi 87,1 milyard rubl ilə tutub. İlk üçlüyü 71,5 milyard rubl ilə Gennadi Timçenko tamamlayır.

İlk beşlikdə yer alan digər şəxslər isə İqor Kesayev və Mixail Fridmandır. Onlar müvafiq olaraq 40,5 milyard və 39,5 milyard rubl dividend gəliri əldə ediblər.

ƏLAQƏLİ

Bunu da oxu

Əmlak bazarında qiymətlərin yüksəlişi gözlənilir

29.09.2026 - 08:52

Maraqlıdır ki, reytinqdəki şəxslərin ümumi dividend gəliri əvvəlki dövrlə müqayisədə xeyli azalıb. Ümumi məbləğ 1,194 trilyon rubl təşkil edib, halbuki əvvəlki göstərici 1,769 trilyon rubl idi.

Forbes-in metodologiyasına əsasən, reytinq 2025-ci ildə faktiki ödənilmiş dividendlərə əsaslanır. Bu səbəbdən siyahı 2026-cı ildə dərc olunsa da, hesablamalar 2025-ci ilin maliyyə göstəricilərinə əsasən aparılır.