Türkiyədə ər əvvəlcə azərbaycanlı arvadını, sonra da özünü öldürüldü

Türkiyənin Iğdır bölgəsinin Şıraci kəndində 35 yaşlı Taner Parlar azərbaycanlı həyat yoldaşı Hicran Hüseynovanı qətlə yetirib.

Məlumatlara əsasən, Parlarla Hüseynova arasında baş verən mübahisə zamanı kişi silahdan qadının başına atəş açıb. Hadisədən sonra o, böyük qardaşına zəng edib və əməlini etiraf edib. Bundan sonra Parlar intihar edib.

Hər iki şəxsin cəsədi ekspertiza üçün morqa aparılıb.

Qeyd edilib ki, cütlüyün iki övladı olub. Faktla bağlı İğdır polisində araşdırmalara başlanılıb. (Oxu.Az)