Türkiyədə öldürülən rus səfirinin qətli ilə bağlı yeni xəbər

Rusiyanın Türkiyədəki səfiri Andrey Karlovun Ankarada qətlə yetirilməsi ilə əlaqədar daha bir nəfər saxlanılıb.

Minval.İnfo ölkə.az-a istinadən xəbər verir ki, keçirilən əməliyyat nəticəsində İnformasiya Texnologiyaları və Ünsiyyət İdarəsi (BTK) işçisi H.K. həbs olunub. Onu Terrorla Mübarizə Udarəsinin əməkdaşları həbs ediblər. Saxlanılan şəxs vəzifəli insanın öldürülməsi və terrorun təşkili ittihamları ilə günahlandırılıb. Bildiriblrə ki, H.K. sui-qəsdin təşkil edilməsində köməklik edib. Saxlanılan şəxs məhkəməyə təslim edilib.

Qeyd edək ki, Rusiyanın Türkiyədəki səfiri Andrey Karlov 2016-cı ilin dekabrın 19-da Ankarada Müasir Sənət Mərkəzində rəsm sərgisinin açılışında çıxış edərkən silahlı hücuma məruz qalaraq öldürülüb. Sonradan səfiri vuran şəxs polislə silahlı atışma zamanı öldürülüb. Araşdırmalar zamanı qatilin polis əməkdaşı Mövlut Mert Altıntaş olduğu məlum olub. Araşdırmalar zamanı qətlin FETÖ terror təşkilatı tərəfindən sifariş olunduğu məlum olub.

Keçirilən əməliyyat zamanı bu ilin yanvar ayında Rusiyanın Türkiyədəki səfiri Andrey Karlovun Ankarada qətlə yetirilməsi ilə əlaqədar 5 nəfər həbs edilib. Həbs olunanlar qatil Mövlut Mert Altıntaşın məzunu olduğuİzmir Rüştü Ünsal Polis Məktəbinin əməkdaşlarıdır. Onlardan 4-ü polis, 1 isə FETÖ üzvü Süleyman Ergen olub. Həmin polislər sonradan Mövlut Mert Altıntaşın iş yoldaşları olub.