Türkiyədə hakim partiyanın deputatına silahlı hücum: 4 ölü

Türkiyənin hakim Ədalət və İnkişaf Partiyasının (AKP) deputatı İbrahim Halil Yıldız və onunla birlikdə seçki kampaniyası aparan təşkilat üzvlərinə silahlı hücum olub.

Anadolu agentliyinin məlumatına görə, hadisə nəticəsində, ümumilikdə, 13 nəfər yaralanıb, onlardan 4-ü yerləşdirildiyi xəstəxanada həyatını itirib.

Ölənlər arasında deputatın qardaşı Mehmet Ali Yıldız da var.

Faktla bağlı araşdırma aparılır.