Türkiyə çətin seçim qarşısında - Qərbin "Patriot"u, yoxsa Rusiyanın "S-400"ü?
Türkiyənin S-400 zenit-raket kompleksləri alması ətrafındakı mübahisələr səngimək bilmir. NATO hər vasitə ilə Ankaranı bu sazişdən çəkindirməyə çalışır və ona “Patriot” sistemlərini almağı təklif edir.
Yenicag.ru-ya açıqlama verən rusiyalı ekspert Pavel Klaçkov “S-400” komplekslərinin Türkiyə üçün üstünlükləri barədə danışıb.
Ekspert qeyd edib ki, ABŞ-ın Avropanın müdafiə sisteminə dair ayrıca siyasəti var. Bu siyasət Avropa İttifaqı ölkələrinin öz hərbi sənayesini kifayət qədər effektiv inkişaf etdirməsinə imkan vermir:
“NATO daxilində də rəqabət var. Aqressiv ABŞ siyasətinin təzyiqi altında Avropa ölkələrinin hərbi sənayesi inkişaf edə bilməz. Türkiyənin Rusiya ilə “Triumf”ların alışı üzrə hərbi sazişinə görə Vaşinqtonun bu ölkəyə hərtərəfli təzyiqini müşahidə edirik. Lakin türkiyəli ekspertlər yaxşı bilirlər ki, “Patriot” texniki parametrlərinə görə “S-400” komplekslərindən geri qalır. Bundan əlavə bilirik ki, vaxtilə Türkiyə “Patriot”un tədarükü üzrə problem yaşamışdı, türk zabitlər bu komplekslərə yaxın buraxılmırdılar. Aydındır ki, Vaşinqton tərəfdən Ankaraya təzyiq göstərilir və şantaj edilir. Lakin Ankara qarşısında asan seçim şansları var. “S-400” kompleksləri həm daha effektiv, həm də daha sərfəlidir. Belə ki, onun Qərb analoqları parametrlərinə görə geri qalmaqla yanaşı, həm də daha bahadırlar. Bundan əlavə, “Patriot”ları istənilən anda bloklamaq olar, “S-400” komplekslərini idarə etməkdə isə Türkiyə sərbəstdir”.
Minval.İnfo
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
İrandan ABŞ-yə iqtisadi müharibə təhdidi!
Qumar borcu olan molla 50 milyon yığdı
İsrailin Livana hücumları: Ölənlərin sayı artdı
Tiflisdə tramvay xətti yenidən canlanır
BMT: Süni intellekt bəşəriyyət üçün təhdid ola bilər
Ahbap dərnəyində 4,3 milyardlıq sirr açıldı!
Qızılın qiyməti düşdü: Faiz gözləntiləri artdı
