Sinqapurda doğum səviyyəsi üçün 55 min dollar təşviq

Sinqapur hökuməti, demoqrafik böhranla mübarizə məqsədilə ailələrə yeni doğulan hər uşaq üçün 55 min ABŞ dollarından çox maliyyə dəstəyi təqdim edən tədbirlər paketini açıqlayıb.

Minval.info xəbər verir ki, Sinqapurda doğum səviyyəsinin azalması ciddi problemə çevrilib. Ölkənin Baş naziri Lourens Vonq, uşaqlar üçün ödəniş sisteminin və uşağa qulluq məzuniyyətinin yenidən nəzərdən keçiriləcəyini bildirib. Onun sözlərinə görə, məqsəd ailə qurmaq və uşaq böyütmək istəyən sinqapurlular üçün bu prosesi asanlaşdırmaqdır.

Sinqapurun əhalisi 6 milyon nəfərdən bir qədər çoxdur. 2024-cü ildə qadın başına düşən doğum göstəricisi 0.97 olduğu halda, 2025-ci ildə bu rəqəm 0.87-yə enib. Demoqraflar bildirir ki, xalis immiqrasiya olmadan əhalinin sabit saxlanılması üçün bu göstərici ən azı 2.1 olmalıdır.

ƏLAQƏLİ

Bunu da oxu

Paşinyan AB-yə üzvlük üçün ilk addımı atır

24.08.2026 - 21:40

Doğum səviyyəsinin aşağı düşməsi və səhiyyə nailiyyətləri Sinqapuru “həddindən artıq qocalan” cəmiyyətə çevrilmək yoluna çıxarıb. BMT-nin meyarlarına görə, əhalinin 21%-dən çoxunun yaşı 65-dən yuxarı olduqda bu vəziyyət yaranır. Gözlənilir ki, 2030-cu ilə qədər hər dörd sinqapurludan biri bu yaş həddinə çatacaq.

Baş nazir Vonq bildirib ki, hökumət uzun illər ərzində daha əhəmiyyətli dəstək göstərəcək. Hökumət, 17 yaşına qədər hər bir uşaq üçün ailələrə təqribən 70 min Sinqapur dolları (55.15 min ABŞ dolları) məbləğində birbaşa maliyyə yardımı verəcək. Bu məbləğə doğum zamanı 10 min dollar hədiyyə və gələcək təhsil üçün nəzərdə tutulan 10 min dollarlıq ödəniş də daxildir.