Səudiyyə Ərəbistanında ilk kinoteatr açıldı

Səudiyyə Ərəbistanında son 35 il ərzində ölkədə ilk dəfə kinoteatr açılıb.

Minval.info “TASS”-a istinadən xəbər verir ki, açılış mərasimi “Əl-Ərəbiyə” telekanalı ilə canlı yayımlanıb.

Krallıq üçün tarixi premyeraya 600-dən çox insan, o cümlədən kral ailəsinin üzvləri, biznesmenlər, tanınmış jurnalistlər, yazıçılar və incəsənət xadimləri dəvət alıb.

Mərasimdə cinsi ayrı-seçkiliyə yol verilməyib, zala kişilərlə yanaşı qadınlar da buraxılıb.

Ər-Riyadın kral Abdullah adına salınmış yeni maliyyə rayonunda yerləşən kino mərkəzində ilk olaraq Hollivud istehsalı olan “Qara Pantera” filmi nümayiş olunub.