Səməd Yusubovun namizədliyi gözlənilmədən ləğv edildi
Rusiyada fəaliyyət göstərən azərbaycanlı iş adamı Səməd Yusubovun deputatlığa namizədliyi ləğv edilib. O, Krasnoyarsk diyarının Qanunvericilik Məclisinə seçki yarışından kənarlaşdırılıb.
Minval.info xəbər verir ki, Yusubov Rusiya Kommunist Partiyasının Şarıpovo regional qrupunda siyahının birinci nömrəsi idi. Lakin avqustun 21-də seçki komissiyası partiyanın diyar komitəsinin bürosunun qərarı əsasında onu namizədlər siyahısından çıxarıb. Qərarın səbəbləri ictimaiyyətə açıqlanmayıb.
Səməd Yusubov uzun müddət “KrayDEO” müəssisəsində rəhbər vəzifələrdə çalışıb və 2018–2023-cü illərdə “Ədalətli Rusiya” Partiyasından Krasnoyarsk Şəhər Şurasının deputatı olub. 2023-cü ildə o, vəzifə səlahiyyətlərindən sui-istifadə işi üzrə istintaqa cəlb edilib, lakin 2024-cü ilin fevralında cinayət təqibinə müddətin keçməsi səbəbindən xitam verilib.
Yusubovun ifadələri keçmiş deputat Aleksandr Qliskovun cinayət işi üçün mühüm əhəmiyyət daşıyıb. İstintaqın versiyasına görə, Qliskov 2017-ci ildə “KrayDEO” rəhbərinin müavinindən himayədarlıq müqabilində 5 milyon rubl tələb edib və bunun 1 milyon rublunu alıb. 2024-cü ilin oktyabrında Qliskov 10 il müddətinə azadlıqdan məhrum edilib, lakin 2026-cı ilin fevralında hökm ləğv edilib və iş prokurorluğa qaytarılıb.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Kəmalə Ağazadədən Nigar Fərhada sərt ittihamlar
İstanbulda qanunsuz mərc əməliyyatı: 25,5 kq qızıl ələ keçirildi
Britaniya hava limanlarına kiberhücum: Şəxsi məlumatlar oğurlandı
Tərcüməçi Ziya Muradovun müəmmalı ölümü: Sirr pərdəsi aralanır
Gədəbəydə 53 yaşlı kişi bıçaqlanaraq öldürüldü
Dələduz Ədalət Mustafayev Azərbaycana gətirildi
Rasim Həsənovun azadlığına qarşı protest verildi
