Rusiyada veba şübhəsi: Ölən qadının ətrafındakılarla bağlı açıqlama

Rusiyanın Sibirya bölgəsində veba araşdırma mərkəzində çalışan bir qadının ölümü “veba epidemiyası” iddialarını gündəmə gətirib. Hadisə nəticəsində beş xəstəxana bağlanıb və təxminən 200 nəfər nəzarət altına alınıb.

Minval.info xəbər verir ki, Rusiya İnsan Sağlamlığı və İstehlakçı Hüquqlarını Qoruma Xidməti (Rospotrebnadzor) açıqlayıb ki, Sibirya və Uzaq Şərq İrkutsk Veba ilə Mübarizə İnstitutunda laborant olan 28 yaşlı Darya Şipilova “səbəbi müəyyən edilməyən sətəlcəm” diaqnozu ilə xəstəxanaya yerləşdirilib. Şipilovanın ölümündən sonra sosial mediada və yerli mətbuatda onun laboratoriyada vebaya yol açan Yersinia pestis maddəsini ehtiva edən bir tüpü təsadüfən sındırdığı və “ağciyər vebası”na yoluxaraq həyatını itirdiyi iddia edilib.

Yerli mətbuatın məlumatına görə, təxminən 200 nəfər xəstəxanada nəzarət altına alınıb və beş xəstəxana da karantin səbəbi ilə bağlanıb. Bu hadisələr Rusiyada “veba epidemiyası” ola biləcəyi iddialarına səbəb olub.

ƏLAQƏLİ

Bunu da oxu

Barselonada mənzil böhranına etirazlar nəzarətdən çıxdı

06.10.2026 - 13:53

Son rəsmi açıqlamada Rospotrebnadzor bildirib ki, Şipilova ilə təmasda olan insanlar arasında iki Kovid-19 və iki rinovirus hadisəsi aşkarlanıb. Sətəlcəmlə təmasda olan şəxslərin 60%-nin müşahidə müddəti bitib.

İrkutskda epidemioloji vəziyyət sakit

İrkutsk bölgəsində həftəlik təxminən 16 min nəfərdə kəskin tənəffüs yoluxucu xəstəliklər qeydə alınıb. Son iki həftədə hadisələrin sayında artım müşahidə edilməyib. “Bölgədəki sanitar və epidemioloji vəziyyət sakitdir.” deyə Rospotrebnadzor bildirib.