Rusiyada tank adamları əzdi – VİDEO

Sankt-Peterburqda “Döyüş dəmiri” festivalında “T-60” tankı iki nəfəri əzib.

Oxu.Az xəbər verir ki, bu barədə RT məlumat yayıb.

Məlumata görə, zərərçəkənlər tankın üzərində əyləşib. Hərbi texnika kiçik yoxuşdan enən zaman onlar müvazinətlərini itirib və tankın tırtıllarının altına yıxılıb.

Məlumata görə, zərərçəkənlərdən biri topuğunu sındırıb, digəri yüngül bədən xəsarətləri alıb.

Qeyd edək ki, insidentin baş verdiyi “Döyüş dəmiri” festivalı hərbi-tarixi festivaldır. Festivalda təşkilatçılar ziyarətçiləri Birinci dünya müharibəsi texnikası ilə tanış edir.

Minval.İnfo