Rusiya hərbi təyyarələri ilk dəfə Şimali Amerikaya uçdu

Rusiyanın hərbi aviasiyası SSRİ-nın süqutundan bəri ilk dəfə olaraq Şimal qütbdən Şimali Amerikaya uçub.

Oxu.Az “RİA Novosti”yə istinadən xəbər verir ki, bu barədə Rusiyanın müdafiə naziri Serqey Şoyqu açıqlama verib.

“Sovet dövründən bəri ilk dəfə olaraq sualtı-qayıq əleyhinə aviasiya Şimal qütbdən Şimali Amerika qitəsinə uçuş həyata keçirib” deyə Şoyqu nazirliyin kollegiya iclasında bildirib.

Şoyqu qeyd edib ki, Rusiya ali hərbi komandanlığı Şimal donanmasına aid hərbi birləşmə və hissələrin müasir silahlarla təchizatını davam etdirir. Onun sözlərinə görə, Arktik istiqamət ən perspektivli istiqamətlərdəndir.

“Belə ki, ötən il Şimal donanmasına 1090 ədəd müasir hərbi silah və texnika nümunəsi, o cümlədən 5 döyüş kateri, 7 MTT gəmisi, 9 aviasiya texnikası vahidi və 10 HHM radiolokasiya kompleksi daxil olub” deyə Şoyqu bildirib.

Minval.İnfo