Polis günlərdir onu axtarırdı, bir hərəkətlə fenomen oldu - FOTO

İngiltərədə bir gənc sosial şəbəkədə haqqında “itkin düşüb” elanı verən polislərə yazdığı cavabı ilə gündəmə gəlib.

İngiltərədə yaşayan Leon Smith-in ailəsi bir müddətdir övladları ilə əlaqə saxlaya bilmədikləri üçün polisə müraciət ediblər. Polis ailəyə cinayətdən dolayı Simithi özlərinin də axtardığını deyib.

Minval.info xəbər verir ki, Facebook-da Smith üçün status yazan polislər gəncin itkin düşdüyünü və ailəsinin ona görə narahat olduğunu deyib, görənlərin polisə xəbər verməsini istəyiblər.

Statusun altına gələn rəy axtarışlarına davam edən polisin təəccübünə səbəb olub. Haqqında yazılan statusa rəy yazan Leon Smith, “İtməmişəm, axtarışa verilmişəm. Məni tapmaq istəyirsinizsə, bir az bölmədən çölə çıxın, işinizi görün, əziyyət çəkin” deyib.

Smithin hansı cinayətdən axtarıldığı deyilməsə də, Facebook-da yazdığı cəsarətli rəyi ilə sosial media fenomeni olub.

Minval.info