On il arvadı və qayınanası tərəfindən şiddətə məruz qalan kişiyə polis kömək etdi

Uşaqlarını görmək istəyən kişini qayınanası və həyat yoldaşı döyüb. Məlum olub ki, oxşar hadisə daha əvvəllər də müşahidə olunub.

Minval.info saytı xəbər verir ki, ofisiant işləyən Sinan Kılıç həyat yoldaşı və qayınanasından yediyi yumruqlara görə boşanmaq qərarı alıb. Uşaqlarını görməyə getsə də, şiddət davam edib.

İstanbul Qaziosmanpaşada yaşayan 35 yaşındakı Sinan 10 il əvvəl həyat yoldaşı ilə sevib evlənib. Cütlüyün iki uşağı olsa da, qadının ailəsi onların münasibətinə qarşı çıxıb.

Döyüldüyünə görə polisə gedən Sinana qoruma verilib, həyat yoldaşı haqqında isə uzaqlaşdırılma qərarı çıxarılıb.