Nazarbayev Qara və Xəzər dənizlərini birləşdirmək istəyir

Qazaxıstan Avrasiya İqtisadi Birliyi ölkələrinə Qara və Xəzər dənizləri arasında kanalın tikintisinin mümkünlüyünü nəzərdən keçirməyi təklif edib.

Oxu.Az-ın RİA Novosti-yə istinadən məlumatına görə, bu barədə Qazaxıstan prezidenti Nursultan Nazarbayev bəyan edib.

“Digər perspektivli layihə Qara və Xəzər dənizlərini birləşdirən Avrasiya kanalının tikintisi ola bilər”, – Nazarbayev AİB ölkələrinin toplantısında deyib.

Bundan əlavə, Qazaxıstan Avropa və Asiyanı birləşdirəcək yüksəksürətli Avrasiya magistral yolunun tikintisini təklif edib.

Minval.İnfo