Məhkəmənin hökmünə etiraz edən xorvat general zəhər içdi
Hollandiyanın Lahey şəhərində sabiq Yuqoslaviya Beynəlxalq Cinayət Məhkəməsində aparılan “Prlic və digərləri” məhkəmə işində 20 il həbsə məhkum edilən sabiq xorvat general Slobodan Praljak məhkəmə zalında zəhər içdiyi iddia edilib.
Avropa.info xəbər verir ki, bu məlumatdan sonra məhkəmə iclası dayandırılıb. 2013-cü ildə açıqlanan ilk məhkəmə qərarı ilə Bosniyada yol verdikləri müharibə cinayətləri səbəbi ilə ümumilikdə 111 il həbsə məhkum edilən xorvat hərbçi və siyasətçilərin apelyasiya məhkəməsi bu gün keçirilib.
Apelyasiya şurası separatçı Hersek-Bosniya Xorvat Respublikasının (HR-HB) prezidenti və Xorvat Müdafiə Şurasının sədri Jadranko Prliçə 25 il, HR-HB müdafiə naziri Brunoa Stojiçə 20 il həbs cəzası verib.
General Praljaka daha əvvəl verilən 20 illik həbs cəzası təsdiqlənib. Ancaq məhkəmə qərarı açıqlandıqdan sonra cəzanı qəbul etmədiyini qışqıran Praljak içində zəhər olduğu deyilən şeyi içib. Hadisənin baş verməsi ilə məhkəmə iclası dayandırılıb.
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
İlon Maskdan gözlənilməz vəd: ABŞ-də hər uşağa SpaceX səhmi verəcək
Almaniya Fransadakı etirazlar üçün səyahət xəbərdarlığı etdi
İqlim dəyişikliyi Norveçdə içməli suyu təhlükəli hala gətirib
Putin, Tramp və Şiyə Ukrayna mövzusunda üçtərəfli zirvə təklif etdi
Livan prezidenti: İsrail ABŞ vasitəçiliyi ilə əldə edilən razılığı pozur
Avropa ölkələri sosial mediada uşaqları qorumağa çalışır
