Katar Baş naziri Al Sani Netanyahuya qarşı sərt ittiham irəli sürdü
Katar Baş naziri Şeyx Məhəmməd bin Əbdülrəhman Al Sani, İngilis jurnalist Piers Morganın “Piers Morgan Uncensored” proqramında gündəmlə bağlı düşüncələrini bölüşüb. O, Qəzza Zolağında baş verən hadisələrin müharibə cinayəti olduğunu və İsrail Baş naziri Benyamin Netanyahunun bu cinayətlərdən məsul tutulmalı olduğunu vurğulayıb.
Minval.info xəbər verir ki, Al Sani, Netanyahunun Katarı hədəfə alaraq ictimai fikri manipulyasiya etməyə və saxta bir reallıq yaratmağa çalışdığını bildirib. O, İsrail Baş nazirinin öz və hökumətinin əməllərinə baxmaq əvəzinə başqalarını ittiham etdiyini deyib və “Netanyahu bir müharibə cinayətkarıdır… Öz etdiklərini başqalarına yansıtmaya çalışır” ifadəsini işlədib.
Al Sani, İsrailin keçən il Doha’ya qarşı etdiyi hücumu bir daha qınayaraq, vasitəçilərə hücum etmənin təhlükəli bir presedent yaratdığını və “Netanyahu qırmızı xətti keçdi” ifadəsini istifadə edib.
Regional böhranlar və İranla danışıqlar
Regional hadisələrə də toxunan Al Sani, ölkəsinin İran və bölgəni aşaraq qlobal iqtisadiyyatı təhdid edən müharibənin nəticələri haqqında dəfələrlə xəbərdarlıq etdiyini xatırladıb. ABŞ ilə koordinasiya içində, ABŞ və İran arasında razılaşmaya çatmaq üçün diplomatik həllər axtarmaqdan “heç bir səyi əsirgəmədiklərini” vurğulayan Al Sani, vasitəçilik prosesinin asan olmadığını, lakin “qapalı qapılar arxasındakı diplomatiyanın” irəliləyiş üçün ən təsirli yol olduğunu qeyd edib.
Al Sani, bölgədəki gərginliyi azaltmaq üçün üç əsas məsələnin həll edilməsinin vacib olduğunu bildirərək bunları sadalayıb: “Birincisi, ABŞ tərəfini və Beynəlxalq Atom Enerjisi Agentliyini (UAEA) razı salan, eyni zamanda sanksiyaların qaldırılması ilə İranın sülhçıl nüvə enerji haqqını təmin edən bir nüvə razılaşmasının əldə olunması. İkincisi, Hörmüz Boğazında naviqasiya azadlığının təmin edilməsi və bu mövzudakı hər hansı bir razılaşmanın beynəlxalq hüquqa tabe olması. Üçüncüsü isə Körfəz Əməkdaşlıq Şurası (KƏŞ) ölkələri və İran da daxil olmaqla bölgədəki təhlükəsizlik tənzimləmələrinin yaxşılaşdırılması.”
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
İran danışıqlar üslubunu dəyişir: yeni strategiya nədir?
Bakının mərkəzində tıxacları azaldacaq yeni həll yolu
Ərdoğanın BMT çağırışı: veto hüququ ləğv edilə bilərmi?
Mərakeşdə Fatimə Zəhra Mansuri ilk qadın baş nazir təyin edildi
Tramp İranla bağlı iddiaları qətiyyətlə rədd etdi
