İranın enerji sektorunda 7,5 trilyon kub fut qaz kəşfi

İranın enerji sektorunda mühüm bir kəşf baş verib. Ölkə, ABŞ və İsraillə aylarla davam edən müharibənin enerji sektoruna vurduğu zərərin ardından 7,5 trilyon kub futdan çox təbii qaz ehtiyatı aşkarlandığını açıqlayıb.

Minval.info xəbər verir ki, İranın neft naziri Möhsün Paknejad, bu ehtiyatın təxminən 5,7 trilyon kub futunun hasil edilə biləcəyini bildirib. Onun sözlərinə görə, yeni ehtiyat İran və Qətərin paylaşdığı dünyanın ən böyük təbii qaz yatağı olan “South Pars”ın bir fazasında təxminən 15 illik hasilata bərabərdir.

Fars əyalətində yerləşən yatağın on milyardlarla dollar dəyərində qaz kondensatı ehtiva etdiyi də bildirilib. Lakin yeni ehtiyatların hasilata cəlb olunmasının illər çəkə biləcəyi qeyd olunur. İranın enerji sektorunda müharibədən əvvəl də Qərb sanksiyaları və kifayət qədər investisiyanın olmaması səbəbindən problemlər yaşanırdı.