İran-ABŞ danışıqlarında yeni irəliləyiş: Sülh paketi hazırdır

İran və ABŞ arasında davam edən danışıqlarda əhəmiyyətli irəliləyiş əldə edilib. Pakistanın daxili işlər naziri Möhsin Naqvinin Tehrana səfərindən sonra verdiyi açıqlamaya görə, tərəflər ABŞ-İsrail müharibəsinin sona çatdırılması və qarşıdurmanın genişlənməsinin qarşısının alınması istiqamətində mühüm addımlar atıblar.

Minval.info xəbər verir ki, danışıqlar zamanı Hörmüz boğazının yenidən açılması və müharibənin mümkün qədər tez başa çatdırılması məsələləri müzakirə edilib. Tərəflər həmçinin regional sülh və fikir ayrılıqlarının danışıqlar yolu ilə həlli barədə fikir mübadiləsi aparıblar.

Siyasi şərhçilərin fikrincə, Pakistanın vasitəçiliyi ilə əldə edilən irəliləyiş, tərəflərin danışıqları davam etdirməyə hazır olmaları və müharibənin yenidən başlamaması üçün zəmanətlərin verilməsi ilə bağlıdır. Həmçinin, ABŞ-nin İrana qarşı yeni sərt sanksiyalar tətbiq etməsi fonunda Tehranın müəyyən kompromislərə getməyə hazır olduğu bildirilir. Proseslə bağlı yeni bir paket üzərində danışıqların davam etdiyi qeyd olunur.