İran ABŞ bazasına PUA hücumu etdi

İran ordusu, Birləşmiş Ərəb Əmirliklərində yerləşən “Əl-Minhad” aviabazasında ABŞ hərbçiləri və helikopterlərinin pilotsuz uçuş aparatları (PUA) ilə hədəfə alındığını bəyan edib. Bu hücumun, ABŞ-nin Lark adasına endirdiyi zərbələrdən sonra, həmin adada öldürülən mülki şəxslər və hərbçilərin qisasını almaq məqsədilə həyata keçirildiyi bildirilib.

Minval.info xəbər verir ki, İran İslam İnqilabı Keşikçiləri Korpusu, ABŞ qüvvələrinin istifadə etdiyi İordaniyadakı “Müvəffəq əs-Səlti” və “Kral Hüseyn” aviabazalarının da ballistik raketlərlə vurulduğunu açıqlayıb. Qeyd edək ki, ABŞ ötən gecə Hörmüz boğazı yaxınlığında yerləşən Lark adasına iki zərbə endirib.