Gürcüstanla Ermənistan arasında “Dostluq” körpüsü tikilir

Gürcüstan və Ermənistan arasında yeni körpünün tikintisinə başlanılıb.

Minval.İnfo-nun Oxu.az-a istinadən verdiyi xəbərə görə, “Dostluq” adlanan körpü Baqrataşen-Sadaxlı sərhəd qəsəbəsi ərazisində, Debed çayı üzərində qurulacaq.

Bunun üçün Avropa Yenidənqurma və İnkişaf Bankı Gürcüstana 6 milyon avro məbləğində kredit ayırıb.

Kreditin 50%-i Gürcüstana, 50%-i isə Ermənistana veriləcək.

Qeyd edək ki, körpünün tikintisinə dair saziş bu ilin yanvarında Yerevanda imzalanıb.

Bildirilib ki, tikinti İran şirkətləri tərəfindən aparılacaq.