Xırdalan şəhərində qətl hadisəsi baş verib.
Minval.İnfo xəbər verir ki, hadisə 20 Yanvar küçəsində qeydə alınıb.
Belə ki, 31 yaşlı Elgün Ağasenov həyat yoldaşı, 24 yaşlı Axirə Nadirovanı çoxsaylı bıçaq zərbəsi ilə qətlə yetirib. Hadisə yerinə hüquq-mühafizə orqanlarının əməkdaşları cəlb olunub, Elgün Ağasenov saxlanılıb.
O, ilkin ifadəsində evə gələrkən arvadının həmin vaxt cehizlərini yığaraq mənzili tərk etməsi və qətli də məhz qısqanclıq zəminində törətdiyini etiraf edib: “Dalaşmışdıq. Evə gələndə gördüm ki, paltarlarını, cehizlərini yığıb, getmək istəyir. Yenə dalaşdıq, özümü saxlaya bilmədim, bıçaqladım”
Faktla bağlı Abşeron Rayon Prokurorluğunda cinayət işi açılıb, araşdırma aparılır.
Minval.İnfo
