Frensis Makdormandın “Oskar” mükafatı oğurlanıb

Aktrisa Frensis Makdormandın  “Oskar” premiyası mükafatlandırma   mərasimindən sonra oğurlanıb. Bu haqda məlumatı NME verib.

Minval.info xəbər verir ki, aktrisa “Oskar” heykəlini  kənara qoyub, qonaqlarla görüşən zaman naməlum şəxs mükafatı gizlincə qaçırıb.

Media məlumatlarında qeyd edilir ki, aktrisa mükafatın oğurlandığın bildikdə, çarəsizcəsinə ağlayıb. Oğru gizlənməyə cəhd etsə də, hadisədən bir az sonra onu mərasim fotoqrafı tutmağa nail olub.

Heykəl aktrisaya geri qaytarılıb.  Amma Mokdormandın istəyinə əsasən, oğrunu azad ediblər.

Frensis Makdormand  “Oskar” mükafatını “Ebbinqa sərhədində üç bilbord, Missuri” filmində oynadığı rola görə alıb. “Oskar” mükafatını aktrisaya Cennifer Lourens təqdim edib.

Zeynəb

Minval.info