Fransızlar Leninin dövründə silinmiş borclarını Rusiyadan tələb edirlər

Fransa Rusiyadan Leninin göstərişinə əsasən silinmiş borcların qaytarılmasını tələb edir.

Minval.İnfo-nun məlumatına görə, 400 mindən çox yerli sakin Rusiyadan çar dövründə bu ölkəyə yatırdıqları istiqrazları geri tələb edir.

Rusiyadan tələb olunan məbləğ 53 milyard avro civarındadır. Tam 100 il öncə, 1918-ci ilin yanvar ayında  Lenin “çar borclarını ödəməkdən imtina” haqqında fərman imzalayıb.

Beləliklə də, XIX əsrin ikinci yarısında Rusiya dəmir yoluna pul yatıran investorlar müflis olublar. Məlumat üçün bildirək ki, sərmayə üçün kompensasiyanı tələb edən şəxslər çar dövründə Rusiyadan veksellər almış fransızların nəticələridir.

Bu borcların geri qaytarılması ümidverici görünmür. Çünki 1997-ci ildə Moskva ilə Paris arasında imzalanan sazişdə Rusiya tərəfi borcların bağlanması üçün 330 miliyon avro məbləğində pul ödəyib.

Beynəlxalq Federasiya Assosasiyasının  prezidenti Erik Sanitasın sözlərinə görə, Rusiya müflis olmaqdan hələ ki uzaqdır: “Buna görə də borcları ödəyə bilər. Dövlət borclarında heç bir məhdudiyyət yoxdur. O ,  ödənilməlidir. Oyunun qaydaları budur”.

Zeynəb

Minval.İnfo