Ermənistanın ktmt ilə təhlükəli oyunu: Səsvermə hüququnu itirə bilərmi?

Ermənistanın Kollektiv Təhlükəsizlik Müqaviləsi Təşkilatında (KTMT) səsvermə hüququndan məhrum edilməsi gündəmdədir. Rusiyanın KTMT-dəki daimi nümayəndəsi Viktor Vasilyev, belə bir qərarın yalnız bütün üzv dövlətlərin razılığı ilə qəbul edilə biləcəyini açıqlayıb.

Minval.info xəbər verir ki, KTMT Kollektiv Təhlükəsizlik Şurasının növbəti iclası noyabrın 11-də Moskvada baş tutacaq. Bu iclasda dövlət başçıları, ehtimal ki, Ermənistanın səsvermə hüququ məsələsini müzakirə edəcəklər. Vasilyevin sözlərinə görə, bu qərarın qəbul edilməsi üçün təşkilatın bütün üzvlərinin razılığı tələb olunur.

KTMT Nizamnaməsinin 25-ci maddəsinə əsasən, təşkilatın büdcəsinə iki il ərzində ödəniş etməyən dövlətlərin bəzi hüquqları, o cümlədən səsvermə və namizəd irəli sürmə hüquqları məhdudlaşdırıla bilər. Ermənistan hal-hazırda KTMT-nin fəaliyyətində iştirakını dayandırıb və üzvlük haqqını ödəməkdən imtina edir. Bu vəziyyət, təşkilat daxilində Ermənistanın statusunun yenidən nəzərdən keçirilməsinə dair müzakirələrə səbəb olub.

ƏLAQƏLİ

Bunu da oxu

İrandan ABŞ-yə sərt xəbərdarlıq: Hərbi gəmilər hədəfə çevriləcək

04.08.2026 - 14:47

Siyasi şərhçilər hesab edirlər ki, Ermənistanın KTMT-dən səsvermə hüququnun alınması məsələsi həm hüquqi, həm də siyasi baxımdan mürəkkəbdir. Ermənistanın KTMT-dən çıxmaq istəyi olsa da, Rusiya ilə münasibətləri daha da gərginləşdirməmək üçün bu addımı atmır. Eyni zamanda, Ermənistanın Qərblə yeni təhlükəsizlik mexanizmləri qurmağa çalışdığı müşahidə olunur. Bu səbəbdən, səsvermə hüququnun məhdudlaşdırılması Ermənistanın KTMT-dən tamamilə ayrılmasına səbəb ola bilər.