Ermənistanda "Ararat" zavodunun direktoru saxlanıldı

Ermənistanda “Ararat” konyak-şərab-araq zavodunun direktoru Arman Davtyanın saxlanıldığı bildirilir.

Minval.info xəbər verir ki, bu barədə yerli mənbələr məlumat yayıb.

Məlumata görə, hüquq-mühafizə orqanları zavodun direktoru Arman Davtyanı saxlayıblar. Hadisənin səbəbi ilə bağlı hələlik rəsmi açıqlama verilməyib.

Qeyd olunur ki, “Ararat” konyak-şərab-araq zavodu hazırda həbsdə olan Qaqik Tsarukyan nəzarətində olan müəssisələrdən biridir.

Məlumatlara görə, son həftələr Tsarukyanın nəzarətində olan bir sıra şirkət və müəssisələrdə hüquq-mühafizə orqanları tərəfindən yoxlamalar və istintaq tədbirləri aparılır.