Elon Musk abş-ın Milli Elm Medalı ilə təltif edildi

ABŞ Prezidenti Donald Tramp cümə axşamı günü Vaşinqtonda yerləşən Sülh İnstitutunda keçirilən mərasimdə SpaceX-in baş direktoru Elon Musk və bir neçə digər texnologiya nəhəngini prestijli Milli Elm Medalı ilə təltif edib.

Musk, Google-un həmtəsisçisi Sergey Brin, Nvidia-nın baş direktoru Jensen Huang və AMD-nin başçısı Lisa Su ilə birlikdə bu mükafata layiq görülüb.

Minval.info xəbər verir ki, Tramp mərasimin açılış nitqində “Amerikanın qızıl dövründə elm və texnologiyanın həyəcanverici inkişafını qeyd edirik” deyərək, Musk-a “sənaye titanımız” və “müasir dövrümüzün Tomas Edison”u kimi müraciət edib.

USS Abraham Lincoln təyyarə gəmisi 322 gün sonra ABŞ-a qayıtdı

ƏLAQƏLİ

Bunu da oxu

USS Abraham Lincoln təyyarə gəmisi 322 gün sonra ABŞ-a qayıtdı

09.10.2026 - 17:38

“Tarixdə çox az amerikalı Elon kimi ABŞ-ın milli maraqlarını irəli aparıb. Onun zəkası və əzmkarlığı elmi fantastikanı reallığa çevirib,” Tramp bildirib.

Tramp və Musk arasında son illərdəki dəyişkən münasibətlərə baxmayaraq, Musk yenidən Tramp dünyasına daxil olub və “Meridian Layihəsi”nin həmdirektoru vəzifəsini icra etməyə hazırlaşır. Bu layihə, Müdafiə Nazirliyi tərəfindən gələcəyin müharibə texnologiyalarını araşdırmaq məqsədilə həyata keçirilir.

Ağ Evin mətbuat açıqlamasına görə, Musk-a “kosmosun tədqiqi, ağıllı sistemlər, kommunikasiya və daha geniş sahələrdə Amerika texnologiya liderliyini yeniləyən mühəndislik nailiyyətləri” üçün Milli Elm Medalı təqdim edilib.