“Seçicilərimlə görüşlərim yas mərasimlərində olur. Demək olar ki, günümüz orda keçir”

Minval.İnfo xəbər verir ki, bunu 69 saylı Cəlilabad-Masallı-Biləsuvar seçki dairəsindən deputat seçilən Fəzail İbrahimli ATV telekanalında yayımlanan “Geriyə Baxanda” verilişində qonaq olan zaman deyib.

“Millək vəkili olaraq seçicilərinizlə ünsiyyətiniz necə qurulur” sualına Fəzail İbrahimli belə cavab verib: “Bunun bir neçə forması var. Yas mərasimlərində görüşürük. Demək olar ki, günümüz orada keçir. Tanıdığım, xəbər tutduğum insanların yasında iştirak edirəm. Həmçinin, mənim qəbuluma gələn adamların heç biri deyə bilməz ki, 17 ildə 17 dəqiqə orada gözləyib. Bəzən bazar günləri də qəbuluma gələnlər olur. Bazar günü olmasına baxmayaraq onlarla qəbul edirəm. Şəxsi ofisim yoxdur, onlarla Milli Məclisin qəbul şöbəsində görüşürəm. Mobil nömrəm demək olar ki, seçicilərimin 50 faizində var”.

Şəxsi ofisinin olmadığını deyən deputat Fəzail İbrahimlinin oğlu, 1987-ci təvəllüdlü Tural İbrahimlinin 50 min dollar dəyərində “Jeep Wrangler” markalı avtomobili var.

Minval.İnfo