Çin peyki Azərbaycana çırpıla bilər - FOTO

Çinin idarədən çıxan Tianqonq-1 peykinin düşə biləcəyi aralıqlar açıqlanıb

Minval.İnfo xarici KİV-ə istinadən xəbər verir ki, ekspertlərin açıqlamasına görə peyk 43° şimal enliyi ilə 43° cənub enliyi arasındakı ərazilərə düşmə ehtimalı var.

Azərbaycan da şimal və şərq yarım-kürələrində yerləşir; coğrafi koordinatları belədir: – ölkə 39°24′, 41°54′ şimal en dairələri arasında və 44°46′, 50°45′ şərq uzunluğunda, paytaxt Bakı 40° paralel üzərində yerləşir. Bu da peykin Azərbaycan ərazisinə düşmə ehtimalını yaradır.

Qeyd edək ki, peykin aprelin 1-i yerə düşməsi gözlənilir. Ancaq bu hadisənin bir o qədər də təhlükəli olacağı gözlənilmir, peykin yerə çatmamış böyük bir hissəsinin havada əriyəcəyi ehtimal olunur.

Tamerlan Mehdi

Minval.İnfo