Çin heyətinin olduğu gəmi Benqal körfəzində batdı

Çin heyətinin olduğu yük gəmisi Hindistanın şərqində, Odişa ştatının Paradip limanından 240 dəniz mili məsafədə, Benqal körfəzində batıb. Gəmi Panama bayrağı altında üzürdü.

Minval.info xəbər verir ki, gəminin göyərtəsində 24 heyət üzvü olub və gəmi Odişadan dəmir filizi yükü ilə Sinqapura gedirdi. Avqustun 20-də Paradip limanına daxil olan gəmi daha sonra yoluna davam edib.

Hadisədən sonra Hindistan Sahil Mühafizəsi və Hərbi Dəniz Qüvvələri axtarış-xilasetmə əməliyyatına başlayıb. Ərazidə olan digər gəmilərə də xəbərdarlıq edilərək xilasetmə işlərinə kömək göstərilməsi xahiş olunub. Yerli polis nümayəndəsi bildirib ki, hakimiyyət orqanları hələlik neçə nəfərin xilas edildiyini müəyyənləşdirməyə çalışır. Polis nümayəndəsi dənizçilərin əksəriyyətinin Çin vətəndaşları olduğunu da əlavə edib.