Britaniya xüsusi xidmət orqanlarından koronavirus açıqlaması: Süni şəkildə yayılma istisna edilmir

Böyük Britaniya kəşfiyyatı COVİD-19 pandemiyasının Çinin Uhan şəhərindəki laboratoriyadan sızması ehtimalını artıq tamamilə ciddiyə alır.

Musavat.com xarici agentliklərə istinadən xəbər verir ki, bu barədə “National Review” jurnalı yazıb.
Məqalədə ilkin dövrlərdə belə bir versiyanın inkar edildiyi, lakin sonradan Qərb kəşfiyyatının Uhan Virusologiya institutunun (WIV) fəaliyyətini ciddi şəkildə incələməyə başladığı qeyd olunur.

Laboratoriya sızıntısı nəzəriyyəsi 2019-cu ilin dekabrından, yəni koronavirusla xəstələnməklə bağlı ilk xəbərlərin çıxdığı andan ortaya atılıb.

ƏLAQƏLİ

Bunu da oxu

İlon Maskdan gözlənilməz vəd: ABŞ-də hər uşağa SpaceX səhmi verəcək

19.10.2026 - 17:34

Məlum olduğu kimi Çin epidemiya ilə bağlı Ümumdünya Səhiyyə Təşkilatını yalnız həmin ilin dekabrın 8-də məlumatlandırmışdı. Lakin sonradan kütləvi simptomların hələ noyabrda bəlli olduğu aşkar edilmişdi.

Üstəlik, Çin hakimiyyətinin pandemiyanın həqiqi qaynağının araşdırılması ilə əlaqədar başladılan beynəlxalq təhqiqata əngəl törətməsi və qəribə davranışları rəsmi Pekinə şübhələri artırıb.
Ötən həftə ABŞ prezidenti Co Bayden Birləşmiş Ştatların xüsusi xidmət orqanlarına “laboratoriya sızıntısı” versiyasını araşdırmaq və təhqiqatın 90 gün ərzində bitirilməsi əmrini verib.