“Bir ayağımı itirsəm də...” - Həyata meydan oxuyan idmançı - FOTOLAR

Sümük xərçəngindən bir ayağını itirən və Cənubi Koreyanın Pxençxan şəhərində keçirilən paralimpiyada snoubord yarışlarında iştirak edən Breanna Hakebi “Sports Illustrated” nəşrinə açıqlama verib.

Hakebi insanların hər zaman özlərini cazibədar hiss etməli olduğunu vurğulayıb. 22 yaşlı amerikalı snoubordçu idmanın onun həyatını dəyişdiyini deyib:

“Özümlə qürur duyduğumu bütün dünyaya bəyan etməyim mənim üçün motivasiyadır. Xərçəng xəstəliynə görə bir ayağımı itirmişəm. Həyatda bir ayaqla mübarizə aparıram. Uşaqlar üçün kumir sayılacaq insan olmaq istəyirəm. Hər kəs özünü cazibədar hiss etməlidir. Özünüzə güvənərkən bədəninizin necə görünməsinin əhəmiyyəti yoxdur. İdman mənim həyatımı dəyişdi və mən də çox insanın mənim kimi olmasını istəyirəm”. “Qafqazinfo”