Bakıda yaşıllıq artırmaq planı: ağac yetişdirmək çətinləşir

Bakı şəhərinin daha yaşıl və ekoloji davamlı bir məkana çevrilməsi üçün ciddi addımlar atılır. Şəhərin Baş Planına uyğun olaraq, adambaşına düşən ictimai yaşıl sahələrin 5,8 kvadratmetrdən 8 kvadratmetrə qədər artırılması və əlavə olaraq 1000 hektara yaxın yeni yaşıl ərazilərin yaradılması planlaşdırılır.

Minval.info xəbər verir ki, “Bakı İqlim Fəaliyyəti Həftəsi 2026” çərçivəsində Dövlət Şəhərsalma və Arxitektura Komitəsinin sədri Anar Quliyev şəhər mühitinin iqlimə uyğunlaşmasını və biomüxtəlifliyin artırılmasını təmin edəcək hibrid yaşıl dəhlizlərin yaradılmasını vurğulayıb.

Ekoloqlar bu planı dəstəkləsələr də, onun həyata keçirilməsinin asan olmayacağını bildirirlər. “Ətraf Mühitin Qorunmasına Yardım İctimai Birliyi”nin sədri Aynurə Miriyeva, yaşıl sahələrin artırılmasının şəhərin “istilik adası” effektini azaldacağını və biomüxtəlifliyi artıracağını qeyd edir. Lakin o, yalnız miqdarın deyil, həm də keyfiyyətin və yerləşmənin vacib olduğunu vurğulayır.

ƏLAQƏLİ

Bunu da oxu

Trampın İranla bağlı açıqlamaları dünya gündəmini silkələdi

04.10.2026 - 12:39

Yaşıl dəhlizlər və ekoloji yüngülləşmə

Ekoloq Ənvər Əliyev isə yaşıllıqların şəhərin “ağciyərləri” olduğunu və onların oksigen təminatında mühüm rol oynadığını bildirir. O, Bakıda ağac yetişdirməyin çətinliyindən danışaraq, mövcud yaşıllıqların qorunmasının vacibliyini vurğulayır. Ə.Əliyev, yay aylarında ağacların istilik təsirini azaldaraq insanların rahatlığını təmin etdiyini qeyd edir.

Alim, həmçinin tikinti və söküntü işlərində yaşıllıqların qorunmasının vacibliyini qeyd edir. Yaşıllıq sahələrinin artırılması yalnız ekoloji deyil, həm də insanların sağlamlığı və həyat keyfiyyəti baxımından əhəmiyyətlidir.