Avtomobillər kəskin bahalaşdı - AÇIQLAMA
May ayında Bakının avtomobil bazarında orta qiymət 27106 manat təşkil edib. Aprel ayı ilə müqayisədə qiymətlər 19 faiz artıb.
Oxu.Az xəbər verir ki, bunu “MBA Group” konsaltinq şirkətinin baş direktoru, ekspert Nüsrət İbrahimov deyib.
O bildirib ki, ay ərzində ümumilikdə 1572 avtomobil satışa çıxarılıb:
“Aprel ayı ilə müqayisədə avtomobil bazarında təkliflər portfeli 22,5 faiz azalıb. Satışa çıxarılan avtomobillərin 88,2 faizi benzin mühərrikli avtomobillər olub”.
Ekspertin sözlərinə görə, bu kateqoriyalı avtomobillərin orta qiyməti 26 394 manat təşkil edib.
Dizel mühərrikli avtomobillər bazarın 11,8 faizinə bərabər olub. Orta qiymət isə 32 409 manat təşkil edib:
“Avtomat sürət qutusu ilə olan avtomobillərin payı 67,6 faiz, orta qiyməti 35 543 manat, mexaniki sürət qutusu olan avtomobillərin payı 32,4 faiz, orta qiymət 9 725 manat təşkil edib”.
N.İbrahimov deyib ki, hesabat dövründə bazardakı avtomobillərin orta yürüş göstəricisi 181,78 min kilometr olub. Bu göstərici ötən ayla müqayisədə 3,2 faiz azdır. Avtomobillərin orta yaşı isə 11,3 il təşkil edib.
Minval.info
Ən son xəbərləri bizim sosial media səhifələrimizdə izləyin!
Ölkədən və dünyadan ən sürətli canlı yayımları qaçırmamaq üçün bizə abunə olun:
OXŞAR XƏBƏRLƏR
Müəllimlər üçün yeni maaş artımı şansı!
Gecikmiş 517 min manat işçilərə ödənildi
Ət bahalaşır, kəndli subsidiya ala bilmir
Neftin qiymətində artım: Brent 97 dolları keçdi
Lerikdə sakinlərin çəkdirdiyi yol üç günə dağıldı
Bazarlarda üzüm bahalaşdı: Qiymətlər yüksəlir!
Neft qiymətləri yüksəlir: Bazarlar təlaşda
