ABŞ Yaxın Şərqə yeni təyyarədaşıyan gəmi göndərir

ABŞ Yaxın Şərqə 5000 nəfərlik heyətlə birlikdə ‘Theodore Roosevelt’ təyyarədaşıyan gəmisini göndərməyi planlaşdırır. Bu barədə məlumatı CNN telekanalı yayıb.

Minval.info xəbər verir ki, ‘Theodore Roosevelt’ təyyarədaşıyan gəmisinin bölgədə ən azı yeddi ay döyüş növbətçiliyi aparacağı gözlənilir. Bu addım ABŞ Hərbi Dəniz Qüvvələrinin Yaxın Şərqdəki münaqişələr və beynəlxalq öhdəliklər səbəbindən üzləşdiyi gərginlik fonunda atılır.

Xatırladaq ki, daha əvvəl ‘USS George Washington’ təyyarədaşıyan gəmisinin rəhbərlik etdiyi ABŞ təyyarədaşıyan gəmisinin zərbə qrupu Yaxın Şərqdə ABŞ Mərkəzi Komandanlığının (CENTCOM) məsuliyyət zonasına daxil olmuşdu. Bu gəmi, may ayında ABŞ-yə qayıtması planlaşdırılan ‘USS Abraham Lincoln’ təyyarədaşıyan gəmisini əvəz etmək üçün bölgəyə gəlmişdi.