ABŞ quru qoşunları naziri istefa verdi

ABŞ-nin Quru Qoşunları naziri Den Driskoll vəzifəsindən istefa verib. İstefanın əsas səbəbi müdafiə naziri Pit Heqsetlə arasında uzun müddətdir davam edən fikir ayrılıqları olub. Tərəflər, ABŞ Quru Qoşunlarının idarə olunması ilə bağlı bir sıra mühüm məsələlərdə ortaq mövqeyə gələ bilməyiblər. Xüsusilə orduda aparılan kadr dəyişiklikləri və yüksək rütbəli zabitlərin vəzifələrindən uzaqlaşdırılması ilə bağlı yanaşmalar arasında ciddi fərqlərin olduğu bildirilir.

Minval.info xəbər verir ki, Driskollun yaxın günlərdə Pentaqondakı səlahiyyətlərini tam şəkildə təhvil verəcəyi gözlənilir. Daha əvvəl Driskollun sentyabr ayında istefa verməyi planlaşdırdığı açıqlanmışdı. Donald Tramp administrasiyası isə onun ilin sonunadək vəzifəsində qalmasını istəyirdi.